Observatorio Consello da Cultura

O cine en Galicia en 2014 (28/10/2015)

No seguinte documento de traballo analízanse indicadores da actividade cinematográfica en Galicia dende dúas vertentes. Por unha banda, os datos relativos á asistencia, recadación, exhibición, distribución, infraestruturas e produción; e, por outra banda, os relacionados cos hábitos e prácticas culturais dos galegos respecto ao cine. Os resultados contextualízanse nun ámbito territorial máis amplo, en comparativa co resto das comunidades autónomas, e tamén nun período temporal que facilita a interpretación evolutiva da situación nos últimos anos.